Son aparılan tədqiqatlar ev işləri görməyin kişilərin ömrünü uzatdığını üzə çıxarıb.
Maya.news xəbər verir ki, bu barədə Niderlandda yerləşən Roterdam Universitetində araşdırma aparılıb.
Tədqiqatçıların fikrinə görə, mütəmadi ev işləri ilə məşğul olmaq kişilərin ömürlərinin 3 il uzanmasına imkan verir.
Mütəxəssislər təqdiqat zamanı 7 min kişi və qadının gündəlik fəaliyyətlərini tədqiq ediblər.
Tədqiqat qrupunun başçısı həkim Klodian Dhana bağçılıqla məşğul olmağın da kişilərin ömrünü 2,7 il uzatdığını qeyd edib.
O, eyni göstəricinin qadınlarda müşahidə edilmədiyini vurğulayıb.
