Yağ bir yeməyin tərkibində ən çox diqqət etməli olduğumuz məhsuldur desək, yanılmarıq. Bəs yemək hazırlayarkən hansı yağlara üstünlük verməliyik?
Maya.news sağlamlığımız üçün mütəxəssislər tərəfindən ən çox tövsiyə edilən yağları təqdim edir:
Zeytun yağı
Aparılan tədqiqatlar göstərir ki, bu yağın tərkibindəki komponentlər “Alzheimer” xəstəliyinə qarşı mübarizədə effektivdir. Gündə 4 xörək qaşığı zeytun yağı istifadə etməklə xolestrol miqdarını nizamlamaq mümkündür. Həmçinin zeytun yağı ürək-damar, tənəffüs yolu xəstəlikləri və xərçəngdən ölüm riskini azaldır.
Kətan yağı
Mədə-bağırsaq sistemi üçün xüsusilə faydalıdır. Artrit əlamətlərini azaltmağa kömək edir. Bu yağın tərkibində sağlamlığımız üçün vacib komponentlərdən olan omeqa-6 yağ turşuları mövcuddur. Kətan yağını istifadə edərkən qızdırmaq olmaz. Çünki qızma bu yağların tərkibini dəyişdirir. Bu səbəbdən kətan yağından salatların və soyuq qəlyənaltıların hazırlanmasında daha çox istifadə edilir.
Avokado yağı
Avokadoları sevirsinizsə, onda avokado yağını da istifadə etməlisiniz. Bu yağ həm aşağı, həm də yüksək temperaturda əla qida dəyərinə malikdir.
Üzüm toxumu yağı
Bu yağ hər növ yemək və salat üçün uyğun seçimdir. Lakin yüngül salatlarda və tərəvəz qovurmalarında istifadəsi daha çox tövsiyə edilir. Tərkibi E vitamini və omeqa-6 yağ turşusu ilə zəngindir.
Günəbaxan yağı
Xolesterol səviyyəsinin nizamlanmasında effektiv təsirə malikdir. Üzüm yağı kimi günəbaxan yağı da E vitamini ilə zəngindir.
